مُنفذتي وهلاكي بقلم الكاتبه إيمان شلبي
اسكريبت♥️بقلمي ايمان شلبي♥️
– إيه اللي يخلي بنت جميلة زيك توافق تتجوز واحد أعمى زيي؟
اتوسعت عينيها باستغراب، وقالت بسرعة:
– وإنت عرفت منين إني جميلة؟
رد بمنتهى البرود:
– سمعت.
سكتت لحظة… وبعدين ابتسمت بخبث:
– سمعت؟
– آه… الناس مبتبطلش كلام. كل مرة حد يشوفني يقول: “يا خسارة… البنت دي جميلة وكان ممكن تتجوز حد كامل مش اعمي زيك!
اتوترت ملامحها وقالت بنبرة مهزوزة:
– م ممكن مجاوبش علي سؤالك دلوقتي
ضحك ضحكة قصيرة مالهاش روح:
-من غير ما تجاوبي وصلني الرد
-اللي هو؟
هز أكتافه وحط أيده في جيوبه الأتنين:
-فلوسي مثلاً!
– فلوسك؟
– أنا عارف إني غني… وعارف إن في ناس كتير ممكن تستحمل أي حاجة علشان الفلوس
ردت بغيظ:
-الكلام ده مش حقيقي
-اومال فين الحقيقة؟!
-الحقيقة أن بابا صاحب اكبر مجموعه شركات للأدوية في الشرق الأوسط
عز الحديدي لو تسمع عنه
رد بصدمه:
-نعم؟!
انت بنت عز الحديدي
ابتسمت ابتسامة حزينة وقالت:
– ايوه
معقوله محدش قالك
لف وشه ناحيتها رغم إنه مش شايفها:
-لا
بلعت ريقها بصعوبة ومسكت في فستانها:
-ا انت شايفني؟
-لا المفروض اني اعمي!
-اومال ازاي بتبص ناحيتي وكأنك شايفني
-مش معني اني مبشوفش يبقي مبحسش
انا حاسس بوجودك هنا في المكان ده علشان كده بصيت ناحيتك
هزت راسها بهدوء:
– آه ف فهمت
-مقولتليش برضو
ايه اللي يخلي بنت جميله زيك،غنيه،متعلمه
تتجوز واحد في ظروفي
قربت منه خطوه ووقف قدامه ورفعت عيونها في عيونه:
-تفتكر ايه يخليني اتجوزك غير شيئ واحد
رفع حاجبه بتساؤول:
-اللي هو؟
ردت ببطئ وهمس قدام عيونه:
-الحُب
ضحك بسخرية ورجع خطوه لورا:
– الجملة دي بتتقال في المسلسلات والافلام بس إنما الواقع غير!
سكتت وغمضت عيونها بضيق وهو كمان سكت لحظه بعدها اتنهد وقال:
– على العموم انا عندي اخت وهستر عليكي مش هفضحك متقلقيش بس كان من غير جواز ممكن كنت اساعدك واخليه يتجوزك
اتنفضت بصدمه وذهول:
-افندم ا انت دماغك راحت فين؟
رفع حاجبه ببرود ورد بقسوة:
-ايه مش أنتِ عايزه تداري علي غلطتك
انفعلت وعيونها لمعت بالدموع:
-غلطه ايه يابني آدم أنت فهمت غلط والله العظيم مش اللي في دماغك أبداً