مُنفذتي وهلاكي بقلم الكاتبه إيمان شلبي

-مانتِ شوفتها

هزت راسها:
-طول الفتره اللي فاتت حاولت اتعايش مع فكره اني بنت تانيه غير اللي بتكرهها

انت عارفه انك دمرتي حياتي؟

نزلت عيونها بندم:
-عارفه

ابتسم بسخرية:
-بس صلحتيها!!

بصتله فكمل وهو بيقرب منها علي الارض:
-وبعد ما صلحتيها عايزه تدمريها تاني!
-انا….
-انا مش هسمحلك يا تولين
مش هسمحلك تهربي تاني

غمضت عيونها بقوه وهمست:
-وانا مستعده لأي عقاب
مش هلومك ومش هكرهك و…..

سكتت فجأه بصدمه لما شدها لحضنه وضمها بكل قوته وهو بيهمس بنبره دافيه:
-وحشتيني

شهقت بقوه وضمت نفسها أكثر لحضنه:
-وانت كمان اوي

خرجها من حضنه ومسح دموعها برقه:
-متعيطيش
-سامحتني؟؟

مسك ايديها وحطها فوق قلبه:
-ونسيت كل حاجة
وجودك في حياتي خلاني اتصالح مع الدنيا
خلاني اتصالح معاكي من قبل ما اعرف حتي حقيقتك
أنتِ لغز يا تولين
لغز كبير
كرهتيني في الحياه وحببتيني فيها
زرعتي في قلبي السواد ونزعتيه من قلبي لما دخلتي حياتي

ردت بأنهيار:
-انا اسفه ا اسفه والله ب بس انا حبيتيك اوي

ضمها وسند راسه فوق راسها:
-انسي اللي فات يا تولي خلاص
خلينا نبدا حياه جديده مع بعض
من غير كذب ولا خداع ولا كُره
حياه خاصه بينا كلها حُب ودفا وامان

عارفة الدنيا في وجودك بتشبه ايه !
بتشبه حلم في الواقع بنسعى اليه
بحبك و انتي هجراني، بحبك و احنا متخاصمين
بحبك رغم كوني حزين
بحبك قد كل الكون
ورغم الجاري مِ الأحداث
بحبك وانتي كل الناس ♥️
#محمد_امير

تمت

#مُنقذتي_وهلاكي
#إيمان_شلبي