مُنفذتي وهلاكي بقلم الكاتبه إيمان شلبي
بلعت ريقها وقالت:
-من بابا
ابتسم بسخرية:
-وابوكي عرف منين
-اللي مكنتش اعرفه أن هو وبابا اصحاب
رد بأنفعال:
-كذابه
اتوترت ورجعت خطوه لورا؛
-ل لاء
قرب خطوه فبلعت ريقها بتوجس
وقف قدامها علي بُعد مسافه صغيره وهمس:
-انا بنيت مع ابويا الشركة ديه من وانا صغير وانا بروح اتعلم الشغل بعد المدرسه وعارف كل شخص دخل وخرج من شركتنا
وعز الحديدي ابوكي عمره ما عتب علي باب الشركه
وعمري ما سمعت اسمه من ضمن اصحاب ابويا
وعمري ما…..
قاطعته بسرعه ولهفه وتوتر:
– أنا عرفت بالصدفة.
-إزاي؟
– سمعت حد بيتكلم عن الموضوع.
– مين؟
– مش هينفع أقولك
هز رأسه بسخريه :
-وجيتي تتقدميلي؟
-ايوه
-وياتري جبتي معاكي ورد ولا شوكولاته!
قطعت المسافه ما بينهم ومسكت أيده بجرأه وهمست قدام عيونه:
– صدقني انا مبكذبش عليك انا فعلا حبيتك
وكنت عايزة فرصة
اتوتر وسحب أيده ورجع ورا :
– فرصة لإيه؟
– إني أبقى جنبك.
هز رأسه بسخرية:
– لسه مصرة علي كذبتك
انا بقول الحقيقه
-الحقيقة انك طماعة
– أنا عمري ما شوفتك ولا عمري اتكلمت معاكي
عايزه تقنعيني أن في بني ادم طبيعي ممكن يحب حد ويضحي بحياته علشانه من غير حتي ما يتعامل معاه مره علي الاقل!
-ايوه عادي بتحصل
هز رأسه بيأس:
-بس ده مش حب
ممكن نسميه اعجاب،فضول،تعلق
انما حب ده شيئ ميتصدقش إطلاقاً
-تمام… اعتبره تعلق، أو إعجاب زي ما بتقول… بس في الآخر هو إحساس حقيقي صادق، مش تمثيلية ولا طمع زي ما ظنيت في الأول
رفع غيث حاجبيه بابتسامة ساخرة:
-يعني انتي مش هنا عشان الفلوس
قربت منه خطوة تانية، وقالت بصوت يملؤه التوسل:
-فلوس إيه اللي بتتكلم عنها؟ أنا لو عايزة فلوس، كنت اتجوزت أي حد من الشبان اللي كانوا بيتقدمولي كل يوم… أنا جيت هنا علشانك إنت، علشان أكون عيونك اللي مش شايف بيها
ساد الصمت المكان للحظات، وكان صوت أنفاسها المترددة هو الحاجة الوحيدة المسموعة. غيث حس بنبرة الصدق في صوتها، بس عقله وخبرته القاسية في الحياة كانت بتمنعه يصدق بسهولة.
-عيوني؟.
. قالها بسخرية وهو بيتحرك بخطوات بطيئة:
– واحدة زيك متعودة على الرفاهية والدلع، هتقدر تستحمل واحد أعمى، عصبي، ومنعزل عن العالم؟ أنتِ مش عارفة إنتِ حطيتي نفسك في إيه.
رفعت عينها ليه بثبات ورغم الدموع اللي في عيونها قالت:
-أنا عارفة كويس قوي أنا عملت إيه… ومستعدة أستحمل كل ده، بس إنت اديني فرصة واحدة أثبت لك إني مش بكذب.
رد بنبرة حادة لكن فيها هدوء مفاجئ:
تمام يا تولين بس بشرط
